Footer

Nagbekkel, pinangtaanna nga al-aliaen kalib-inna

SANTIAGO, Ilocos Sur – Sabsabali a klase daytoy a nagbekkel ta impangtana pay nga agnanayon nga al-aliaenna ti kalib-inna.

Iti report manipud iti polis ditoy nga ili, nasarakan ti pamilia ni Jerry Villanueva y Caboral, 35, baro, mannalon ken residente iti Barangay Dan-ar ditoy nga ili, a nakabitin babaen ti nylon cord a mapattapatta nga agatiddog iti maysa a metro iti uneg ti balayna idi agarup 5:30 ti malem ti Septiembre 9.

Intaray dagitoy ti biktima iti Candon City Hospital ngem naideklara nga awanen ti biagna.

Nakarekobre dagiti polis iti papel a mapapati a nakaisuratan ti suicide note ni  Villanueva a napetsaan iti September 9 a naiturong iti maysa a Bhe, kalib-inna.

Kastoy ti linaon ti mapapati a suicide note: Bhe, kung saan ka masaya pinapalaya na kita I love you Bhe love Jerry Villanueva. P.S. Sana masaya ka na. Bye habang buhay kitang mumultuhin traidor!!!