Footer

6 kameng ti Budol-Budol Gang, natiliw

BANTAY, Ilocos Sur – Innem a mapapati a kameng ti Budol-Budol Gang a pakairamanan ti dua a babbai ti inaresto dagiti polis ditoy kalpasan a nabigbig ida ti maysa a biktimada iti napalabas.

Segun iti report, natiliw sadiay Villa Manuela Pension House a masarakan iti Barangay Cabalanggan, ditoy nga ili dagiti suspek a nainaganan Arnulfo Hernandez; Daniel Manzon, 47; Reynante Gonzales, 39; Mike Espiritu, ken kakaduada a babbai a nabigbig iti nagan a Luzviminda Ragus ken Rita de Vera, mapapati a residenteda amin iti taga-San Carlos City, Pangasinan.

Maysa nga Aurelia Flores a mapapati a kadua dagitoy ti nakalibas.

Kinuna ni COP Benedicto Cardenas, a nakakumpiska dagiti polis iti ikut ti grupo ti P30,000.00 a naggian iti maysa a bag ken 7 a lata ti gatas a para ubing a mapapati a sinikuatda iti pagtagilakuan iti uneg ti toyota Innova a lugan dagitoy.#