Footer

7th Nakem International Conference maangay

Maangay inton Disiembre 5-7 iti daytoy a tawen ti 7th Nakem International Conference sadiay Regional Education Learning Center (RELC), Department of Education, Region I a masarakan sadiay Brgy. San Vicente, San Fernando, La Union. Manamnama nga atendaran dagiti educators, cultural workers, ken mangipatpateg iti sao nga Ilokano iti Region I, II ken iti Cordillera ti panagtataripnong ken komperensia.

“Panagtagikua: Our right to our languages, our right to emancipatory education” ti tema ti nasao a komperensia nga inorganisa da Dr. Aurelio Solver Agcaoili, Alegria Tan Visaya, ken Bonifacio V. Ramos iti pannakikammayet ni Director Teresita M. Velasco, Mrs. Bettina D. Aquino, Dr. Vivia Luz S. Pagatpatan, ken Dr. Marcelli G. Macob a pagsangailian ti Department of Education Region 1 nga isu pay ti co-sponsor.

Nagtitipon nga esponsoran daytoy ti University of Hawaii, Ilokano Program Nakem Conferences International, Nakem Conferences Philippines, Nakem Youth, Mariano Marcos State University, St. Mary’s University, University of Northern Philippines, Ifugao State University, Abra State Institute of Science and Technology, Apayao State College, Kalinga-Apayao State College, Ilocos Sur Polytechnic State College, Quirino State College, Northern Luzon Philippine State College.

Para iti ad-adu pay ken kanayonan nga impormasion ag-email iti asinoman kadagitoy: Aurelio S. Agcaoili iti [email protected], Bonifacio V. Ramos iti  [email protected], ken Alegria Tan Visaya iti [email protected] @ (Christine Marie Verzosa)

Comments are closed.