Footer

Rehion 1, mapagbalin a digitally empowered a rehion

SAN FERNANDO CITY -Tapno saan a maudi ti Rehion Uno iti benneg ti Information and Communication Technology kadagiti dadduma a rehion iti pagilian,  inangay ti Regional Development Council nga idauluan ni Director Elsa Chan ti maysa nga Strategic Planning Workshop idi Setiembre 17-18 sadiay La Union tapno maaramid ti ICT Plan ti Rehion para iti 2012-2016.

Bayat ti dua nga aldaw a panagplano, napagkaykaysa dagiti nadumaduma a proyekto dagiti LGUs, national government agencies, investors ken dagiti adda iti pribado a sektor tapno dumanonda iti maysa a sirmata nga agbalin a bayabayda tapno maital-o ti ICT iti rehion.

Kinuna ni Chan a karaman kadagiti naplano ti automation ti amin nga opisina ti gobierno, panagbalin a digitally empowered dagiti negosio ken komunidad, Green ICT, pannakaipasdek ti adu nga Information infrastructure, pannakapataud ti de-kalidad nga ICT personnel, pannakapaadu ti trabaho iti benneg ti ICT ken pannakapaadda ti napaspas ngem nalaka a koneksion iti internet iti amin a barangay.

Kinuna ni Chan a babaen  daytoy, agbalin ti Rehion Uno a digitally empowered region with highly-skilled human resource that advocates and implements green technology and a citizen-centered government that practices efficiency, accountability and transparency through ICT. (Mancielito S. Tacadena)


Comments are closed.