Footer

40 sako pirated CDs, VCDs, DVDs, kinumpiska ti OMB, polis

CANDON CITY – Rinaut dagiti nagtitipon a bunggoy ti Optical Media Board, Manila ken dagiti polis ditoy dagiti paglakuan iti ground floor ti Candon City public market idi aldaw ti Septiembre 26 ket kinumpiskada dagiti pirated a tagilako.

Nakakumpiska dagiti bunggoy ti OMB Manila nga indauluan ni Agent Dean B. Perez ken elemento ti Candon City police station nga indauluan ni PI Alejandro R. Manzano, Jr., kaduada ti FIP Officers, PI Joseph Tayaban ken PI Rodel Casallo babaen ti direkta a superbision ni Candon City COP Police Supt. Marlo A. Castillo iti 40 a sako dagiti assorted a CDs, VCDs, DVDs ken installers a mapattapatta nga agbalor amin iti P5.6 million.

Innala dagiti kameng ti OMB dagiti kinumpiskada a pirated a tagilako iti Manila para iti umisu a disposision.

Maipalagip a araut manen dagiti nasao a tienda dagiti pirated a CDs. VCDs ken DVDs iti kallabes.#

Comments are closed.