Footer

Agkalib-in, natiliw iti buy bust operation

VIGAN CITY – Inaresto dagiti polis ti agkalib-in  kalpasan ti buy bust operation nga insayangkatda sadiay Barangay Ayusan Norte, ditoy siudad idi malem ti Septiembre 25.

Nabigbig dagiti agkalib-in a da Ronnie Valdez Jasmin, 28, baro, ken Anna Rose Arruejo Salimao, 31, awanan asawa ken agpada a residente iti nadakamat a barangay.

Nakakumpiska dagiti nagtipon nga elemento ti PDEA ISSET ken INSSET nga indauluan ni IO3 Darnel L. Bacate, PAIDSOTG ken Vigan City police iti babaen ti direkta a superbision ni OIC, PSupt. Jugith J. Del Prado iti maysa a bassit a heat sealed transparent plastic sachet a mapapati a naglaon iti shabu, maysa a canister, maysa nga improvised a canister a nalukot a brown paper, 2 a lighter, ken maysa a P1,000 a nagpaay a marked money.

Naipan dagiti suspek iti police station ditoy siudad para iti dokumentasion ken disposision.#

 

Comments are closed.