Footer

Firing range, naipasdek

BANTAY, Ilocos Sur – Naipasdek itay nabiit ti maysa a firing range iti lakub ti Provincial Police Office ditoy nga ili tapno adda pagpraktisan dagiti pannakabagi ti linteg nga agpuntiria babaen ti paltog.

Mismo nga inatenderan ni Gov. Luis “Chavit” Singson ti pannakabendision ti nasao a firing range babaen ken ni Fr. Jack Cabatu, kura paroko ti Bantay.

Timmabuno iti nasao nga okasion dagiti amin a hepe ti polis dagiti amin a police stations iti probinsia ken kapolisan iti panangidaulo ni Provincial Police Director Noel Amoyen.

Iti mensahena, pinalagipan ni Singson dagiti polis iti naan-anay a panagserbida para iti pannakaprotektar dagiti tattao.

Kinuna ni Singson a kayatna a makita a “maragsakan” dagiti tattao no adda dagiti polis kadagiti kalsada a madadaan a mangsaluad ken mangprotektar kadakuada.

Impatalged ti gobernador iti suportana iti kapolisan nangruna iti pannakatagiben ti urnos ken talna iti probinsia.#

 

Comments are closed.