Footer

2 menor de edad, naaresto bayat ti curfew hour

CANDON CITY – Dua manen a menor de edad ti inaresto dagiti polis gapu iti panaglabsingda iti curfew hour ditoy siudad idi parbangon ti Oktubre 4.

Natiliw da Marc, 17, ken Henry, 14, (parbo a nagan ta menor de edadda), agpada a residente iti Barangay Banbanaal, Banayoyo, agsipud ta nasalmaan ida dagiti polis nga agwalangwalang iti national highway a sakup ti Barangay Ayudante, Candon idinto nga agarup 12:50 ti parbangon ti nadakamat a petsa.

Naipan dagiti menor de edad iti police station ket sada la naruk-atan iti alas 8:00 ti bigat kalpasan a nabagbagaanda ken inruar dagiti nagannakda.

Nainget nga ipatpatungpal dagiti polis ditoy ti City Ordinance 012-97 wenno ti ordinansa a mangiyimplementar iti curfew kadagiti menor de edad iti Candon City.#

Comments are closed.