Footer

Agew na Propesyonal, naisayangkat

DAGUPAN CITY – Insayangkat ti Professional Regulation Commission (PRC) Baguio Regional Office babaen ti pannakakikammayet ti provincial government ti Pangasinan ken ti Philippine Nurses Association-Pangasinan Chapter ti Agew na Propesyonal  iti University of Pangasinan ditoy idi Oktubre 12.

Dagiti sumaganad dagiti naipaay a serbisio: aplikasion para licensure examinations (Nurses, Librarians, Midwives, Civil Engineers, etc.); inisial a rehistrasion ti lisensia dagiti kabarbaro a nakaruar iti eksamen; pannakapabaro ti Professional ID, Sertipikasion ti Good Standing, pannakaruk-at dagiti unclaimed professional ID cards ken Board Certificates a naipila sadiay PRC Baguio.

Naigunamgunam kadagiti aplikante ti panagaplayda para iti eksamen babaen ti Online Application System sadiay www.prc.gov.ph sakbay a maproseso ti aplikasionda bayat ti Agew na Propesyonal.

Naidagadag pay kadagiti propesional a nagipila iti aplikasionda iti PRC Baguio a kayatda nga alaen ti Professional ID Cards ken/wenno Board Certificate iti Dagupan, ti panag-emailda iti prcbaguio.regulations .renewal @gmail.com wenno ag-text iti 0921-969-3919 3-4 nga aldaw sakbay ti naituding nga iskediul.#

Comments are closed.