Footer

Construction worker, natiliwan nga agikut iti paltog

BANTAY, Ilocos Sur – Nasukalan dagiti polis nga adda sakibot a paltog ti maysa a trabahador iti impasdekda  a checkpoint iti sanguanan ti munisipio ditoy nga ili idi rabii ti Oktubre 8.

Segun iti report, inampara dagiti polis ti Yamaha Mio nga awanan plate number a minaneho ni Richard Cabillas y Bocarille, 24, naasawaan, construction worker, ken residente iti Barangay Camangaan, Vigan City, ken kasakayna ni Donald Bocarille y Quilpan, 28, baro, kalugaranna para iti routine check-up kas paset ti panagtsekpointda.

Malaksid nga awan ti helmet ni Cabillas, nakaaruat pay iti brown camouflage uniform isu a pinaikkat dagiti polis ken nakasukalanda iti paltog a sakibotna.

Kinumpiska dagiti polis ti paltog a 357 magnum revolver (paltik) a nagmarka iti Taurus a nagkarga iti 5 a bala para iti cal. 38 ken maysa a bala para iti cal. 357.#

Comments are closed.