Footer

Senior citizens, nagsanay nga agaramid iti kankanen

CAOAYAN, Ilocos Sur – Nagsanay dagiti senior citizens ditoy nga ili iti panagaramid kadagiti makmakan itay nabiit kas paset ti pannakaipaay iti programa ti livelihood kadakuada.

Kinuna ni Mayor Germelina Singson-Goulart a nagbalin a partners ti lokal a gobierno nga idadauluanna ken ti University of Northern Philippines ket babaen ti memorandum of agreement, inadaptar ti pagadalan ti ilina ket nangisayangkat iti training kadagiti senior citizens para iti livelihood.

Manamnama a mailako dagiti snacks wenno kankanen kadagiti pagadalan ditoy nga ili.

Kinuna ti mayora nga ad-adayo a nasussustansia dagiti kankanen nga aramiden dagiti senior citizens ngem dagiti junk food a mailaklako kadagiti pagadalan.#

Comments are closed.