Footer

2 Mannalon, nagringgorda bayat panaginomda

SUGPON, Ilocos Sur – Nag-one on one a naginom ti dua a mannalon ngem nagbalin a nabara ti diskusionda a nagtungpal ti panagkabilda  sadiay Barangay Balbalayang Poblacion ditoy nga ili idi rabii ti Oktubre 16.

Segun iti report manipud iti polis ditoy, nagginom da Ricky Cudao y Dalantan, 23, baro, mannalon, ken ni Alfred Dalantan y Apolog, 35, baro, mannalon, agkalugaran iti nadakamat a barangay ket idi agarup alas 10:00 ti rabii, nagbalin a nabara ti argumentoda a nagtungpal iti panagkabilda a dua.

Nagsagrap ti biktima iti dunor iti ulona ket intaray ti pamiliana iti Tagudin General Hospital, Capillariasis Center, Tagudin, Ilocos Sur para iti pannakaagasna.

Naglibas ti suspek ket iti pannakaisurat daytoy, birbiroken pay laeng dagiti polis.

Saan a nailanad iti blotter no ania ti nagsubangan dagiti dua.#

 

Comments are closed.