Footer

2 opisina, natakawan

STA. CRUZ, Ilocos Sur – Natakawan ti dua nga opisina iti Barangay Poblacion Weste, ditoy nga ili a mapapati a naisayangkat iti karabian ti Oktubre 18.

Nagreport iti polis ni Ramon Sanchez y Vicente, 54, naasawaan, Comelec officer ditoy ken residente iti Barangay Poblacion Sur a natakawan ti opisinada.

Natakaw manipud iti opisina ti Comelec ti koleksion a P300.00 a naikabil iti drawer ni Sanchez kasta met ti maysa a monitor ti desktop computer ken keyboard iti opisina ti senior citizens.

Iti panagimbestiga dagiti polis, naporsar a naluktan dagiti ridaw dagiti nasao nga opisina.

Di pay ammo ti kinaasino dagiti mannanakaw.#