Footer

7 luglugan, ginatang ti Vigan City government

VIGAN CITY – Pito a luglugan ti ginatang ti gobierno ditoy siudad itay nabiit a maaramat para iti disaster management ken risk reduction operations.

Segun ken ni Mayor Eva Marie S. Medina, karaman dagiti nagatang a lugan ti maysa a flexi truck a naited iti City Disaster Risk Reduction and Management Council, tallo a passenger vans a naited iti City Social Welfare and Development Office, City Agriculture Office ken ti City Engineering Office,  ken 3 patrol Isuzu pick up D Max a dua ti naited iti Philippine National Police ditoy siudad ken maysa ti naipan iti Bureau of Fire Protection.

Maaramat ti flexi truck ken passenger vans para iti rescue operations no adda didigra wenno kalamidad a sumangbay iti siudad idinto nga aramaten ti PNP dagiti patrol cars para iti pannakatagiben ti urnos ken talna ken ti BFP para iti panangmonitorda kadagiti pasdek negosio ditoy no sumursurotda met laeng iti fire and building code.#

Comments are closed.