Footer

Appropriation ordinances, naaprobaran

SINAIT, Ilocos Sur – Nadaras ti panagtignay dagiti konsehal no kayatda nangruna no umadani manen ti eleksion.

Itay nabiit, apagbiit nga inaprobaran dagiti konsehal ti P54.1 million nga appropriation ordinance kalpasan a dinawat ni Konsehal Bernard Vicente, vice chairman ti committee on finance and appropriation, ti pannakaaprobarna.

Namnaminsanen  nga inaprobaran ti SB dagiti naurnong nga appropriation ordinances manipud idi Hunio agingga iti Septiembre daytoy a tawen kas kiddaw ni Mayor Marlon Ines.

Innem dagiti appropriation ordinances ngem pinagtitiponen dagiti konsehal nga inaprobaran.

Karaman kadagiti naaprobaran ti P40 million a pondo para iti pannakasimpa ti tiendaan ti ili, P7.6 million a pondo para iti pannakapasayaat ti municipal hall, ken dagiti pondo dagiti dadduma pay a proyekto kas iti pannakaipasdek ti communal irrigation system, solar drier, multipurpose building, flood control project.#

Comments are closed.