Footer

Pasalip iti panagputar iti kanta, nairusat

VIGAN  CITY – Mangangay ti gobierno ditoy iti pasalip iti panagputar ti kanta ken ghost stories para iti Raniag Vigan City Twilight Festival a mangrugi inton Oktubre 29.

Maangay ti pasalip iti panagputar iti kanta iti Celedenia Garden iti Barangay Beddeng ditoy siudad inton Oktubre 30.

Segun iti pagannurotan: 50% ti originality, 20% ti arrangement and musicality,  15% ti message ken 15 percent ti overall performance.

Kasta met a saan a  nakurkurang ngem lima a miembro dagiti banda nga agtokar nga agtawen manipud iti 16-30 ken dua a kanta ti tokarenda, maysa ti cover song a Tagalog ken ti sabali a kanta nga Ingles nga orihinal a komposision ken addaan iti tema a “Vigan – our Heritage of the Past, our Treasure Today.”

Kabayatanna, nailukat ti Ghost Story Making Contest kadagiti residente nga agtawen iti 15-40 ket naisentro dagiti sarita mainaig iti al-alia iti pudno a napasamak iti barangayda. Maisurat dagiti ghost stories iti Iloco wenno Ingles.

Umawat dagiti mangabak iti P10,000 para iti 1st prize, P7,000 para iti maikadua ken P5,000 para iti maikatlo.#