Footer

Trust fund nakiddaw a maipasdek

VIGAN CITY – Kinuna ni Bokal Jeremias “Jerry” Singson a kiniddawna iti provincial board ti pannakaipasdek ti maysa a trust fund ti Provincial Health Office tapno ditoy a maiserrek ti napastrek manipud iti Animal Bite Center.

Inlawlawag ni Singson a manipud pay idi napalpalabas a tawen, addan ti Animal Bite Center iti Provincial Health Office, ket iti panagbukod ti PHO manipud iti Gabriela Silang General Hospital, rumbeng laeng nga ikuyogna ti Animal Bite Center.

Kinuna ni Singson nga umno laeng ken maikanatad a mapan iti Provincial Health Office ti income ti Animal Bite Center isu a kiniddawna iti provincial government ti pannakaipasdek ti trust fund para ti PHO tapno  maipanen ditoy ti income ti ABC a saanen a ti Gabriela Silang General Hospital.

Nangidatag ni Singson iti resolusion iti hunta probinsial para iti pannakabukel ti nasao a trust fund.#

Comments are closed.