Footer

Wanted person, naaresto idiay Cagayan

CABUGAO, Ilocos Sur – Naaresto ti most wanted person ditoy nga ili sadiay Gonzaga, Cagayan, segun ti report manipud iti polis ditoy.

Naammuan nga idi agarup alas 10:50 ti rabii ti Oktubre 20, nakaawiden dagiti polis-Cabugao nga indauluan ni OIC Police Chief Inspector William N. Nerona manipud iti missionda sadiay Gonzaga, Cagayan a nangarestaranda ken ni Rolly Serdenia y Mercado, 39, mannalon, ken residente iti Barangay Sisim, Cabugao.

Sumangsango ni Serdenia iti kaso a rape a naka-docket iti babaen ti Criminal Case No. 2582-KS ti Regional Trial Court Branch 24, Cabugao.

Naaresto ni Serdenia babaen ti bileg ti warrant of arrest nga inyisio ni Judge Nide Brigas Alejandro a napetsaan iti Enero 24, 2012.#