Footer

Grupo dagiti babbai, naikkan iti P1-M pondo

SINAIT, Ilocos Sur – Maysa a milion ti inted ni Gov. Luis “Chavit” Singson iti maysa a grupo dagiti babbai a taga-ditoy nga ili idi Oktubre 28.

Inawat ni Eliza Iberra, presidente ti Bileg dagiti Babbai, ti P1 milion para iti livelihood projects ti grupo dagiti babbai ditoy nga ili a mapattapatta nga agdagup iti 5,000 a kamkameng.

Kinuna ni Singson a nasken a mapabileg ti grupo dagiti babbai agsipud ta dakkel ti maitulongda iti panagdur-as ti panagbiag iti barangayda.

Timmabuno iti nasao nga okasion a naangay iti Barangay Cabangtalan ditoy da Congressman Ryan Luis Singson, Vice Gov. Deogracias Victor Savellano ken ni dati a Congressman Ronald Singson.#

Comments are closed.