Footer

Mannalon a bimmagsol, simmuko met laeng iti polis

CABUGAO, Ilocos Sur – Simmuko met laeng iti polis ti mannalon a nangbagsol iti kalugaranna bayat ti panaggiinomda idi rabii ti Oktubre 28 sadiay Barangay Maradudon, ditoy nga ili.

Sakbay daytoy, naglibas ni Erwin Asuncion y Sajonia, 31, naasawaan, mannalon kalpasan ti panangbagsolna ken ni Gerald Sajonia y Subod, 35, naasawaan, mannalon ken kabarangayanna.

Naammuan iti polis a naggiinom da Asuncion ken ni Sajonia agraman ti sumagmamano a kaarrubada iti ruar ti balay ti biktima ket idi agarup alas 10:30 ti rabii, adda dida nagkinnaawatan ket inasut ti suspek ti imuko manipud iti salikadna sana binagsol ti biktima a nagsagrapan daytoy iti sugat iti bukotna.

Naitaray ni Sajonia iti Pira Clinic and Hospital sa naiyalis iti Mariano Marcos Memorial Hospital para iti pannakaagasna.

Saan a nasapulan dagiti polis ti armas ti suspek.#

Comments are closed.