Footer

Dati a mayor, kiniddawna pannakaited terminal leave benefitsna

CABUGAO, Ilocos Sur – Naidatag iti sangguniang bayan ti surat ti dati a mayor ditoy nga ili a mangkidkiddaw iti pannakaited ti terminal leave benefitsna iti panagserbina kas mayor manipud 2001 agingga iti 2010.

Impresenta ni Konsehal Benedict Savellano, chairman ti committee on finance and appropriation, ti nasao a surat a nakailanadan ti kiddaw ni dati a Mayor Deocaesar S. Suero nga inyendorso ti opisina ni Mayor Edgardo S. Cobangbang, Jr. tapno matratar iti sangguniang bayan.

Kanaig daytoy, natinong ti sangguniang bayan a maayaban ti budget officer, tesorero, ken ti municipal accountant tapno maammuan no mano ti maawat ni Suero a terminal leave benefits.

Saanen a nagkandidato ni dati a Suero idi 2010 gapu ta naturposnan ti tallo a nagsasaganad a terminona a kas mayor.

Ti asawana ti nagkandidato idi 2010 a para mayor ngem imbalat ni Cobangbang. #

Comments are closed.