Footer

Babbaro, kinursonada sabali a bunggoy

VIGAN CITY – Mapapati a nakursonadaan ti maysa a bunggoy dagiti lallaki dagiti tallo a babbaro a nagtungpal iti pannakabagsol ti maysa iti sango ti Partas Terminal idi rabii ti Nobiembre 21.

Naitaray iti Gabriela Silang General Hospital ni Lito Castillo y Palomares, 28, baro, gapu iti  bagsolna iti makannawan a paset ti tianna ken iti makannawan a luppona.

Segun iti inisial nga inbestigasion dagiti polis ditoy, idi agarup 10:15 ti rabii ti nadakamat a petsa, napan iti sango ti Partas Terminal tapno gumatangda iti balut da Castillo ken dagiti kakaduana a padana a babbaro a pakaibilangan da Jomar Castillo y Abalos, 28, ken Artemio Reotutar y Laurente, 26, agpapadada amin a residente iti Brgy Pudoc Norte, San Vicente, Ilocos Sur  ngem dinarup ida ti bunggoy dagiti lallaki a nakabagsolan ti biktima.

Nakirupak dagiti kadua ni Castillo ket nagsanud dagiti suspek a nagtaray iti daya a direksion.

Nangiwayat dagiti nagresponde a polis iti pursuit operation ngem saandan a nakamatan dagiti suspek.#

 

Comments are closed.