Footer

Guardia, ginudas padana a guardia

VIGAN CITY – Mapapati a dati a susik ti ramut ti pammaltog a napasamak iti Barangay III ditoy siudad iti rabii ti Nobiembre 17.

Naideklara nga awanen ti biag idi maidanon iti Polyclinic Hospital ni Erres Barril Cierbo, 32, baro, security guard iti VQR building a masarakan iti Barangay III, ken residente iti Barangay Ubbog Kinabite, Pilar, Abra gapu kadagiti sugatna iti nadumaduma a paset ti bagina maigapu iti panangpaltog kenkuana ni Rodel Perilla y Olivas, 32, naasawaan, security guard, ken residente iti Barangay Capangpangan, ditoy siudad.

Naammuan iti inbestigasion nga idi agarup 8:50 ti rabii iti nadakamat a petsa, bayat ti kaadda ti Barril iti maikapat a kadsaaran, mapapati a pinaltoganna ni Perilla ket daytoy ti namkuatan ti suspek ng immasideg iti puesto ti biktima.

Mapapati nga idi rimmuar ti Barril iti pasdek, dinarupna ni Perilla ket inasut ti suspek ti isyo kenkuana a paltog sana pinaltogan ti biktima iti sumagmamano a daras.

Naglibas ti suspek ngem nangiwayat dagiti nagresponde a polis iti hot pursuit operation a nagtungpal iti pannakatiliw ti suspek.

Insuko ti asawa ti suspek ti paltog daytoy a nagkarga iti uppat a kapsula iti chamberna. Nakakumpiska pay dagiti polis iti 9.2 pulgada a kitchen knife iti siket ti suspek.#