Footer

Motorsiklo, dinungparna puon ti mangga, 1 natay

CANDON CITY – Maysa ti natay idinto a dua ti nasugatan a pakairamanan ti drayber ti motorsiklo idi dinungpar ti luganda ti puon ti mangga iti abaga ti kalsada ti Barangay San Jose ditoy siudad idi apaglabes ti tengnga ti rabii idi Nobiembre 19.

Naideklara a dead on arrival ni Allan Dominic Timbol y Gaerlan, 18, baro, ken residente iti Barangay San Jose idi maidanon iti Rasonable Hospital. Nagsagrap met iti dunor ken garadgad iti nadumaduma a paset ti bagida da Jenius Edward Acance y Peralta, 18, baro, nagmaneho iti nangisit a Honda Bravo motorcycle ken ni Marey Ann Taqueban y Ragma, 18, awanan asawa, ken residente iti Barangay San Isidro.

Naammuan iti inbestigasion nga idi agarup 12:20 ti parbangon ti Nobiembre 19, agpalaud a direksion ti motorsiklo iti Barangay San Jose idi napukaw ni Acance ti kontrolna iti manibela ket iti bangir a linia ti naturong ti lugan sa iti akin-abagatan nga abaga ti kalsada sa naidungpar iti puon ti mangga.

Gapu iti pigsa ti impact, naipuruak dagiti naglugan iti pavement.

Segun iti polis, awan ti aruat dagiti tallo a helmet ken positibo a nakainomda.

Nakaro ti dadael ti motorsiklo nangruna ti sungona.#

Comments are closed.