Footer

Paralegal training dagiti dadaulo ti tribu, naangay

CANDON CITY – Sangagasut a tribal chieftains manipud nadumaduma a tribu iti Ilocos Sur ti nagtraining iti paralegal nga insayangkat ti National Commission on Indigenious Peoples (NCIP) sadiay Candon City hall idi Nobiembre 20.

“Karbengan dagiti dadaulo ti tribu a maammuan dagiti karbenganda a kasapulanda iti panangtamingda iti sapit,” kinuna ni Atty. Marvin Biligan, provincial director ti NCIP.

Naglektiur ditoy da Atty. Juan Abaya, Jr., provincial legal officer ti NCIP, Atty. Honathan Bansigan, Atty. Richard Cawas, ken ni Atty. Marvin Biligan mainaig iti Basic Criminal Procedure, Quasi-Judicial Functions of the NCIP and the Role of the Regional Hearing Officer, kasta met ti Government Structure and Functions, Quasi-Judicial and Judicial Jurisdictions, ken Precondition fo Adjudication iti babaen ti NCIP.

Kinuna met ni Ruben Bastero, regional director ti NCIP, a dakkel a tulong ti training kadagiti tribal chieftains iti panangipakatda iti customary law iti lugarda.

“Bigbigen ti gobiernotayo ti lintegtayo ti tribu,”  kinuna ni Bastero sana inyunay-unay a masapul a compatible ti customary law iti nasional ken internasional a linteg. (Danny Antalan)

Comments are closed.