Footer

Rinibribu, timmabuno asemblia ti ISECO

SANTIAGO, Ilocos Sur – Kasla pagpiestaan ti lakub ti Ilocos Sur Electric Cooperative iti kaadu dagiti timmaripnong a kameng ti nasao a kooperatiba ti panangangay daytoy iti tinawen nga asembliana iti Barangay Bigbiga, ditoy nga ili idi Nobiembre 24.

Ni Congressman Ryan Luis Singson ti kangrunaan a sangaili  iti Maika-34 nga Annual General Membership Assembly ti nasao a kooperatiba ti elektrisidad.

Malaksid kadagiti payong a naited kadagiti timmabuno a kameng ti kooperatibo, adda pay naangay a paripa a nakaitedan dagiti gunggona kadagiti nabunot ti naganda.

Sakbay ti asemblia, maysa a press conference ti inangay ti liderato ti ISECO babaen ken ni General Manager Egdon Sabio ken dagiti opisial ti hunta direktiba nga indauluan ni Board Chairman Tirso Savellano ket naibinsabinsa ditoy ti agdama a financial status ti kooperatiba ken dagiti wagas nga ar-aramiden dagiti opisial tapno ad-adda pay a tumalingenngen ti kooperatiba ken maited kadagiti consulers ti napimpintas a  serbisio ti koriente iti probinsia.#