Footer

Senior citizens, naikkan wheelchair, sarukod

SAN EMILIO, Ilocos Sur – Innem a wheelchairs  ken 72 a sarukod ti inyawat ni Cong. Ryan Luis Singson kadagiti senior citizens bayat ti Aldaw Dagiti Nataengan a naangay ditoy nga ili idi Nobiembre 27.

Pinagyamanan ni Ramon Omaoeng ti madagdagus a pannakaited dagitoy a kasapulan dagiti miembroda nga agbalin nga inspirasion kadakuada tapno ituloyda nga ibinglay dagiti pagsiribanda para kadagiti naub-ubing a henerasion.

Impalagip ni Jose Pepito Zapata, provincial president ti Senior Citizen iti Ilocos Sur,  dagiti karbengan ken benepisio a maipaay kadagiti nataengan  kas intuyang ti R.A. 9994 wenno ti Senor Citizens Act of 2010.

Ti tema ti taripnong: “Nakatatanda, Sa Bisa ng R.A 9994, May Dangal, Nagkakaisa, Buhay ay gumiginhawa”. (Mancielito S. Tacadena)