Footer

2 agpatpataya iti hueteng, tiniliw dagiti polis

CANDON CITY – Iti sanguanan ti kampania ti kapolisan a mangpugipog iti illegal a sugal, dua manen a lalaki ti natiliw nga agpatpataya iti hueteng iti Barangay Salvador 2nd ditoy siudad idi Disiembre 1.

Natiliw da Roberto Domingo y Espiritu, 24, baro, ken residente iti Barangay Banbana-al, Banayoyo, Ilocos Sur ken Ben Mirano y Alcantara, 25, baro, ken residente iti Barangay Allangigan 2nd, Candon City bayat ti panagpatayada iti hueteng iti nadakamat a barangay idi agarup alas 9:00 ti bigat ti nadakamat a petsa ken nakakumpiskaan dagiti polis iti pusta a P410.00 iti nadumaduma a denominasion, papelitos a nakailistaan dagiti pusta iti nadumaduma a number combinations, ken dua a bolpen.

Insayangkat dagiti nagtitipon nga operatiba ti PIB, ISUR PPO ken polis Candon City police station nga indauluan ni PCI Randolf Beniat, Acting Chief, PIB ken PSupt. Marlo Castillo, COP, iti babaen ti superbision ni Provincial Director PSupt Noel Baguitan Amoyen.

Segun iti report, kinamat dagiti operatiba dagiti suspek nga agpatpataya iti hueteng iti nadakamat a barangay ken kabangibangna agingga iti naipiskotda.

Naipan dagiti suspek iti PIB, ISUR PPO, Bulag, Bantay para iti umisu a disposision ken napilaanda iti kaso a panaglabsing iti RA 9287 iti city prosecutor’s office, Candon City..#

Comments are closed.