Footer

Agiwarwarnak a taga-Candon, immawat iti Tobacco Photo of the Year Award

CANDON CITY – Karaman ti maysa nga agiwarwarnak ditoy siudad kadagiti immawat iti pammadayaw iti Bright Leaf Agriculture Journalism Awards a naangay iti Hyatt Hotel, Manila idi Nobiembre 23.

Inyalat ni Leoncio Balbin, Jr., ti Candon Times ti Tobacco Photo of the Year Award babaen ti insalipna a “Hanging Thoughts”.

Nangabak met ni Richard T. Balonglong ti Philippine Daily Inquire iti Agriculture Photo of the Year babaen ti insalipna nga “Strawberry Fields Forever.”

Immawat da Balbin ken  Balonglong iti sag-P20,000.00, iPad, tropeo ken Asian agricultural trip nga awan ti mabusbosda.

Daytoy ti maikanem a tawen nga ipapaay ti Bright Leaf Agriculture Journalism Awards dagiti pammadayaw kadagiti journalists ken photographers iti sapasap a pagilian gapu kadagiti maipagpannakkel a reportda maipapan iti agrikultura ken industria ti tabako iti babaen dagiti nadumaduma a media platforms.#

Comments are closed.