Footer

Nadunor a dolphin, naagasan, naisubli iti baybay

CABUGAO, Ilocos Sur – Naagasan ti maysa nga spinner dolphin a naisadsad iti igid ti baybay ti Barangay Salapasap ditoy nga ili sa met la napalubosan iti taaw idi agsapa ti Disiembre 2.

Nasarakan ni Elpidio Solmerin y Zamora, 60, mannalon, residente ti nadakamat a barangay ti dolphin iti igid ti baybay ket inreportna iti polis a dagus met a nangayab ken ni Dr. Melvin Castro, municipal veterinarian, a mangagas kadagiti garumiad ken dunorna iti akinlikud a paset ti bagina.

Agatiddog ti dolphin iti 74 pulgada, ken addaan iti 35 a pulgada a diametro.

Sinaksian ti pannakabagi ti Bureau of Fisheries and Aquatic Resources, barangay officials, coast guard ken kameng ti media ti pannakaisubli ti dolphin iti baybay.#