Footer

Plantasion ti marihuana, naraut

SUGPON, Ilocos Sur – Agpateg iti P12 milion dagiti mula a marihuana ti pinarut dagiti nagtitipon a bunggoy dagiti polis a rimmaut iti maysa a plantasion ti maiparparit a mula iti tri-boundaries ti Ilocos Sur, Benguet, ken La Union idi bigat ti Nobiemre 29.

Segun iti report, insayangkat ti elemento ti Sugpon MPS nga indauluan ni PSI Napoleon M. Eleccion, Jr., PDEA RO1, PAIDSOTG, ISPPSC, CIDG Ilocos Sur, Ilocos Sur RIO, Regional Intelligence Division ken CIDG La Union nga indauluan ni agent Dexter Asayho, PSI REGINO M GEÑOSO, PSI REYNALDO C. MENDOZA, PSI SAMSON B PASCUAL, PI ROMEO C GATCHALLAN, SPO2 Rodolfo C Ibea ken PO3 Danilo Cortez ti operasion iti nasao a pagbeddengan dagiti tallo a probinsia kalpasan a nakaawatda iti impormasion iti kaadda iti plantasion ti marihuana iti nadakamat a lugar.

Pinarut ken pinuoran dagiti rimmaut a tropa dagiti fully grown a mula ti marihuana ken bunubon nga addaan balor a P12,620,000.00 sa nangisalog dagiti kameng ti PAIDSOTG iti sumagmamano bungkos  para iti umisu a disposision.

Posible a nakasaep dagiti agbambantay ket pimmanawda idi makasangpet dagiti polis iti nasao a plantasion.#

Comments are closed.