Footer

Dialogo mainaig panagminas, naisayangkat

QUIRINO, Ilocos Sur – Impatalged dagiti negosiante nga Intsik a kobre ti minasenda iti Barangay Patiacan ken Lamag, daytoy ti naammuan iti dialogo a naisayangkat iti nadakamat nga ili itay nabiit.

Kinuna ni Bokal Robert Tudayan a naisayangkat ti nasao a dialogo tapno maammuan dagiti problema dagiti agnaed iti dua a barangay mainaig iti panagminas ti maysa a kompania iti lugarda.

Konkontraen dagiti agindeg iti nasao a barangay ti panagminas iti lugarda gapu iti amakda nga agrissuod ti bantay a pakaisaysayangkatan ti panagminas.

“Masapul a maammuantayo manipud iti Mines and Geo Sciences Bureau (MGB) no ania ti epekto ti panagminas iti Quirino ta ditayo kayat a maipada ti Patiacan ken Lamag iti napasamak sadiay Compostela Valley,” kinuna ni Tudayan.

Innayon ti bokal a no adda maaramat a kemikal iti panagminas ti planta, pasardengenda daytoy kas pammilin Gov. Luis “Chavit” Singson.#

Comments are closed.