Footer

National Rizal Youth Leadership Institute training, naangay

BAGUIO CITY – Naangay ti uppat nga aldaw a National Rizal Youth Leadership Institute training a nakipartisiparan dagiti agtutubo iti intero a pagilian, daytoy ti naammuan manipud ken ni Ilocos Sur Provincial Board Member Jeremias Singson.

Kinuna ti bokal a naselebraran itay Disiembre 13-16 ti maika-50 a tawen nga anibersario ti NRYLI ket inyendorso ti Department of Education a pakipartisiparan dagiti agbasbasa sana innayon a naawis a nagsarita dagiti nalaing nga speakers ken naisayangkat dagiti nadumaduma a pasalip a pakaibilangan ti oratorical contest, essay writing, extemporaneous speech ken dadduma pay nga aktibidad.

“Napintas a programa daytoy ta maaddaan pay dagiti partisipante iti gundaway a makipulapol kadagiti nadumaduma nga agtutubo iti intero a pagilian,” kinuna ni Singson.

Ni Singson ti chairman iti nasao a programa kas agdama a Deputy Supreme Commander ti Knights of Rizal.#