Footer

Nurses Licensure Exam, balligi a naisayangkat

BAGUIO CITY – Balligi a naisayangkat ti Nurses Licensure Examination (NLE) iti uppat a siudad idi Disiembre 16-17, 2012, segun iti Professional Regulation Commission (PRC) Baguio Regional Office.

Iti pakaammo a naggapu iti nasao nga opisina, agdagup iti 7,567 dagiti nageksamen iti NLE iti uppat a testing areas a pakaibilangan ti 3,568 iti Baguio City, 1,744 iti Dagupan City, 1,405 iti Cabanatuan, ken 850 iti Laoag City.

Naballigi ti eksamen babaen ti pannakikinnamayet ti gobierno ti Cabanatuan City babaen ken ni Mayor Julius Cesar V. Vergara, ken ti Laoag City babaen ken ni Mayor Michael V. Fariñas,  Philippine Nurses Association Regional Councils and Provincial Chapters, Philippine National Police, National Bureau of Investigation, Department of Education, University of Luzon ken dadduma pay a kolehio ken unibersidad iti Cordillera Administrative Region, ken iti suporta ti Regions 1 and III.

Nakomendaran pay ti PRC Central Office ken Area Delegations gapu iti episiente ken nadalus a pannakaisayangkat ti eksamen kadagiti nasao nga uppat a testing areas.#

 

Comments are closed.