Footer

18 biktima ti paputok agingga iti Paskua

SAN FERNANDO CITY- Agdagup iti sangapulo ket walo dagiti umili manipud iti Region I ti naireport a nagbalin a biktima ti paputok agingga idi sumangbay ti Paskua, daytoy ti naammuan manipud iti Department of Health ditoy.

Iti damag a naggapu iti Bombo Radyo La Union, kaadduan kadagiti biktima ti paputok ti naireport manipud iti Pangasinan nga agdagup iti innem, simmaruno ti La Union (5), Ilocos Norte (4), ken Ilocos Sur (3).

Naireport pay a kadakkelan a bilang dagiti nadundunor ti nagpaputok babaen ti picollo, kasta met iti bawang, pillbox, pla-pla, kuitis ken luces.

Kanaig daytoy, indagadag ti DOH ti sigida a pannakaipan dagiti dagiti biktima iti ospital wenno klinika tapno maagasan ti dunorda tapno saanda a matetano.#

 

Comments are closed.