Footer

Dagiti iskolar iti 2nd District, agdoble

CANDON CITY – Panggep ni dati a House Deputy Speaker Eric Singson a doblien ti bilang dagiti iskolar nga agbasa iti kolehio iti maikadua a distrito ti probinsia.

Impalgak daytoy ni Singson  sana innayon nga agiteddan iti scholarship grant kadagiti masirib ngem marigrigat nga estudiante manipud iti 23 nga ili ken ti siudad ti Candon.

“Panggeptayo a doblien ti bilang dagiti iskolartayo tapno ad-adu ti maikkan iti gundaway a makaadal ken maaddaan iti napintas a masakbayan,” kinuna ni Singson bayat ti Christmas party a naangay iti Candon Civic Center itay nabiit.

Iti agdama ket agdagupen iti 1,700 dagiti iskolar iti babaen ti educational assistance program ti dati a diputado a pakairamanan dagiti scholars ti National Commission on Indigenous Peoples (NCIP) ken ti Congressman Eric D Singson Scholarship Grant (CEDSG).#