Footer

Agina, dinungpar ti kotse

STA. LUCIA, Ilocos Sur – Kataptapog pay la ti 2013, nagsagrapen iti malas dagitoy nga agina gapu iti pannakadungparda iti lugan iti malem ti Enero 3.

Nupay inreport ti doktor ti Candon City Hospital a naisalakanen iti peggad ni Jedelyn Cardenas y Quilindrino, naiyalis ti walo bulan ti tawenna nga anakna a babai iti maysa nga ospital iti San Fernando gapu iti kinagrabe dagiti dunorna.

Segun iti police blotter, mapapati a kellaat a bimmallasiw ni Cardenas, ubbana ti anakna, iti kalsada ket saan a napakadaan ni Loremi Alagano y Amano, 39, naasawaan, ken residente iti Milagrosa St., Sta. Ana, Manila a puon ti nakadungparanna kadakuada.

Naipan ni Alagamo iti police station para iti pannakapalutpotna.#