Footer

Baro, kinabil ti ulitegna

SANTA, Ilocos Sur – Agpada a nakainom iti arak ti suspek ken biktima ket nagtungpal iti riri ti dida panagkinnaawatan idi bigat ti Disiembre 31 sadiay Barangay Bucalag, ditoy nga ili.

Iti report manipud iti polis ditoy nga ili, gapu iti kaaddada iti inpluensa ti arak, saan a nagkinnaawatan dagiti aguliteg ket kinabil ni Catalino Tolentino y Molina, 50, ti kaanakanna a ni Rodel Ricafort y Tolentino, 32, baro, ngem bimmiang ni Gabby Ricafort y Tolentino, kabsat ni Rodel, 23, ket binagsolna ni Catalino.

Intaray dagiti nagresponde a polis ni Catalino iti Central Ilocos Sur District Hospital, Narvacan, Ilocos Sur sa naiyalis iti Gabriela Silang General Hospital.

Naipaagas iti nasao met laeng nga ospital ni Rodel babaen ti traysikel ngem rimmuar met laeng kalpasanna.

Naikustodia ni Gabby iti police station ngem saan a narekobre ti armas nga inaramatna a pinangbagsol iti ulitegna.#

Comments are closed.