Footer

Nadumaduma a bala, granada, naisuko iti polis

CANDON CITY – Dua nga aldaw sakbay ti baro a tawen, pinullo a bala ken maysa a granada ti nasarakan iti asideg ti rangtay a mamagkamang iti dua a barangay ditoy siudad.

Insuko dagiti tanod ti Barangay Caterman iti panangidaulo ti hepeda a ni Modesto Fabros iti police station ditoy ti 38 a bala ti cal. 7.62 M-14 rifle, maysa a granada, ken maysa a super 44 rem Magnum bullet.

Nasarakan dagiti tanod bayat ti panagpatroliada iti agarup 9:00 ti bigat ti Disiembre 30 iti abagatan a laud a paset ti sungaban ti rangtay a mamagkamang iti Barangay Caterman ken Talogtog.

Saan pay nga ammo no asino ti nangikabil ken no ania ti pakausaran koma dagiti balbala ken granada.#