Footer

Rinibribu a deboto, nagrukbab iti relics ni St. Therese

LAOAG CITY – Rinibribu a tattao nangruna dagiti deboto a Katoliko ti nagrukbab iti relics ni St. Therese of the Child Jesus bayat ti kaaddana iti Our Lady of Mt. Carmel Church ditoy siudad manipud Enero 3 agingga iti Enero 6.

Nabara a sinarabo dagiti dadaulo ti simbaan iti panangidaulo ni Bishop Renato Mayugba, dagiti opisial iti probinsia ken ditoy siudad, dagiti empleado ti gobierno ken dagiti deboto ti relics ni St. Therese iti Laoag International Airport.

Dimmagas ti relics ni St. Therese iti Laoag City General Hospital sa naipan iti St. William’s Cathedral a nakaangayan ti maysa a misa.

Dimmagas pay ti relics ti maipatpateg a santa iti Ermita Hill, Camp Valentin S. Juan, Ilocos Norte provincial jail sa naipan iti Our Lady of Mt. Carmel Church.

Ti Archdiocese of Nueva Segovia ti sumaruno a dumagasan ti relics ni St. Therese ket aggian ditoy agingga iti Enero 9.#