Footer

Tolda, kaldero, sound system naiwaras kadagiti barangay, pagadalan ti Vigan City

VIGAN CITY – Nagiwaras ti city government nga idadauluan ni Mayor Eva Marie S. Medina kadagiti tolda, kaldero ken sound system para kadagiti barangay ken pagadalan ken Kalipi sadiay Vigan City Convention Center ditoy siudad idi Enero 5.

Kinuna ni City Veterinarian Dr. Liborio Arca a saggaysa a tolda ken sound system dagiti naited kadagiti 39 a barangay iti siudad  ken saggaysa met a sound system ti para kadagiti amin a pagadalan a maaramatda no adda pasken wenno dakkel nga aktibidad iti lugarda.

Naited met dagiti kaldero para iti Kalipi.

Mismo a dagiti barangay captains ti immawat kadagiti tolda ken sound system.

Nagtaud ti pondo para dagiti nagatang a tolda ken sound system manipud iti city development fund.#