Footer

P19-M ti target ti BOSS, Candon a makolekta

CANDON CITY – Nakurang a duapulo a milion ti puntiria ti Business One Stop Shop (BOSS) a makolekta manipud kadagiti negosio ditoy siudad iti daytoy a tawen.

Kinuna ni Jean Abrero, Business Permits and Licencing Officer ditoy siudad a P19 million ti puntiriada a makolekta a buis manipud kadagiti nadumaduma a pasdek negosio ken dagiti agtraytraysikel iti daytoy a tawen.

Naipasdek ti BOSS tapno mapadaras ti pannakapabaro ti mayor’s permit dagiti adda negosioda ken lisensia dagiti agpaspasada iti traysikel iti siudad.

Napagtitipon iti ground floor dagiti amin nga ahensia a maseknan iti pannakaited iti lisensia ken permit dagiti negosiante ken traysikelan.

Daytoy ti maika-12 a tawen a maisayangkat ti BOSS iti siudad.#