Footer

Prohibision ti eleksion, naibinsabinsa

Imbinsabinsa ti Commission on Elections dagiti prohibision  no mangrugin ti  election campaign inton Enero 13.

Segun iti maysa nga opisial, maiparitton ti pannakabalbaliw dagiti teritorio  a pagbutosan.

Kasta met a maiparitton ti pannakaiyalis dagiti civil servants wenno empleado ti gobierno.

Maiparit payen ti panagikuyog kadagiti paltog malaksid no adda otorisasion manipud iti opisinana.

Saan metten a maipalubos ti pannakasuspenso dagiti nabutosan nga opisial ken iti panagaramat kadagiti eskort wenno securityn guards malaksid no adda clearance a naited kadakuada.

Kas sagudayen ti Resolution No. 9385, mangrugi ti campaign period para kadagiti senador ken party-list groups inton Pebrero 12 agingga inton Mayo 11, 2013 idinto a Marso 29 agingga iti Mayo 11, 2013 ti panagkampania dagiti para congressman, provincial, city ken municipal officials.

Agpatingga amin ti panagkampania inton Mayo 11, ket maiparitton ti agkampania iti Mayo 12, wenno Mayo 13, kaaldawan ti eleksion.#