Footer

5 police officers ti Ilocos Sur, immawat iti Medalyang Papuri

SAN FERNANDO CITY – Lima a police officers iti Ilocos Sur ti karaman kadagiti napadayawan bayat ti panangselebrar ti Police Regional Office 1 ditoy ti Maika-22 a PNP Foundation  Anniversary idi Pebrero 4.

Karaman nga immawat iti Medalyang Papuri bayat ti selebrasion a naangay iti grandstand ti PRO1 dagiti lima a police officers ti Ilocos Sur a pakaibilangan da Police Chief Inspectors Randolph B. Beniat ken Rex B. Buyucan of the Ilocos Sur Provincial Police Office; Police Senior Inspector Lawrence Keith D. Calub, Ilocos Sur PPO; SPO1 Florence M. Rapacon, Ilocos Sur PPO; SPO1 Alan Glen D. Escobar, Ilocos Sur PPO.

Kaduada nga immawat iti nasao a pammadayaw da Police Sr. Inspectors Luis D. Lipadan  ken Joefrey E. Sanchez, Office of Regional Intelligence Division (ORID);  SPO1 Denton P. Mejos, ORID; SPO1 Rogelio M. Buac, ORID and PC Insp Verminn N. Suen, Office of the Regional Legal Service 1.

Dinayaw ni Police Chief Superintendent Ricardo C. Marquez, Region 1 police director dagiti awardees gapu iti dedikasionda ken panangitedda iti pammadayaw iti police community babaen ti impakitada a “commitment, efficiency and competence in peacekeeping”

Indauluan ni Chief Supt. Marquez ti selebrasion a tinabunuan ni Regional Director of National Police Commission Regional Office 1 (NAPOLCOM-RO1) Angelita B. Concepcion, kas guest of honor ken speaker.

Naidaton pay dagiti sabsabong iti Florendo Bust Circle a sinaksian da Atty. George M. Florendo ken dadduma pay a kabagian daydi General Oscar M. Florendo a nakaipanaganan ti headquarters ti PNP ditoy ken sinaksian dagiti regional directors ken dagiti opisial ti  AFP, DOJ, DFA, BJMP, DILG, PDEA, CSC, Association of Regional Executives (AREX), PPA, CHR, PCG, ken ti lokal a media.

Iti panagbitlana, kinuna ni Concepcion a narigat ken nadagsen ti kadakkelan a paset ti trabaho dagiti polis ket kaadduanna a saan a makita ken mabigbig (dagiti tattao).

“Kadagiti kaaduan a Pilipino, agtultuloy a dida ammo ti kaaduan a pagrebbenganyo,” kinuna ni Concepcion sana kinarit dagiti polis a pagtalinaedenda ti kinapateg ti kabaelan, integridad, kinadalus ken kinapudnoda iti trabahoda.

Kinuna pay ni Concepcion a “kadakami nga awan iti puersa, daytoyen ti gundawaymi a mangited iti pammigbigmi iti kinadakayo ken iti ar-aramidenyo para iti karadkad ken seguridad ti pagilian.”#