Footer

Lugan ti polis, nabato

CANDON CITY – Malas daytoy a baro ta lugan ti polis ti nakursonadaanna a binato agsipud ta kinamat ti polis agingga a naipiskot daytoy.

Agbabawi itan ni Jason Brian Pablico, 19, agnaed iti Barangay San Jose ditoy siudad, agsipud ta naipan iti presinto tapno sungbatanna ti inaramidna.

Naammuan iti report nga agpaabagatan a direksion ti Ford Escape a minaneho ni Police Chief Inspector Louise Benjie Tremor, 43, residente iti Barangay Dongalo, San Ildefonso, Ilocos Sur ket idi agdaldaliasat iti national highway a sakup ti Barangay Paras, mapapati a binato ti suspek a nakabuongan ti windshield ti lugan.

Kinamat ni Tremor ti suspek agingga iti naipiskotna daytoy. Adda dua a bato iti bulsa ti suspek idi nakemmeg ti polis.

Mapapati a nakainom ti suspek idi binatona ti lugan ti polis.#

 

Comments are closed.