Footer

Misionaria, natakawan

STA, LUCIA, Ilocos Sur –  Uray misionaria, saanen a pakawanen dagiti mannibrong.

Nagreport iti polis ti maysa a misionaria ti Mormons manipud iti New Zealand a natakawan iti kamera ken kuarta iti kaserana sadiay Barangay Burgos ditoy nga ili idi Pebrero 3.

Nagpulong iti polis ni Majoe Lavinia Tauti, 21, balasang, a kinasakas ti di nabigbig a mannanakaw ti kamerana a Sony Cyber Shot  nga aggatad iti $900.00 ken kuartana a P10,000.00 nga imbatina iti kaserana.

Segun iti biktima, rimmuarda ken dagiti kakaduana a misionaria iti nadakamat nga aldaw tapno mangaskasaba ket idi nagsubli iti kaserana, natakuatanna nga awanen ti bagna a nakaikabilan ti kuarta ken kamerana.

Iti panagimbestiga dagiti polis, simrek ti mannanakaw iti inaladan babaen ti panangdadaelna iti chicken wire nga alad sana dinadael ti side door a simrekanna iti uneg ti balay.#

 

Comments are closed.