Footer

Naglabsing iti gun ban iti Region 1, agdagupen iti 15

SAN FERNANDO CITY – Agdagupen iti sangapulo ket lima dagiti inaresto ti kapolisan iti Region 1 gapu iti panaglabsingda iti gun ban.

Kas maibatay iti rekord manipud iti Police Regional Office 1, sangapulo a tattao ti naaresto gapu iti panaglabsingda iti gun ban sadiay Pangasinan, 2 ti natiliw iti Ilocos Norte, 2 ti natiliw iti Ilocos Sur ken 1 ti naaresto iti La Union wenno iti pakadagupanna a 15 iti rehion.

Naammuan iti report a naidatagen ti kaso maikontra iti sumagmamano kadagiti natiliw idinto a madama ti pannakaimbestigar dagiti dadduma.

Nainget nga ipatpatungpal ti kapolisan iti Region 1 ti pannakaipakat ti gun ban kas panagtungpalda iti pammilin manipud iti Commission Elections para iti natalna ken naurnos nga eleksion inton Mayo 2013.#