Footer

Napastrek ti wet market, dimmakkel

CANDON CITY – Dimmakkel ti napastrek ti tiendaan ditoy idi napan a tawen, daytoy ti naammuan manipud iti market consultant ti siudad itay nabiit.

kinuna ni Odette de Guia, City market consultant, a ngimmato iti 80%  ti nasingirda iti wet market idi 2012 no maikumpara iti nakolektada idi 2011.

Segun ken ni de Guia, agdagup iti P7,373,215.00 ti nasingirda iti wet market idi 2012 idinto nga agdagup laeng iti P4,322,765.00 idi 2011.

Innayon ni de Guia a kangatuan ti nakolektada idi Disiembre 2012 ta immabut iti P745,020.00, ken simmaruno ti Marso nga agdagup iti P646,075.

Kababaan ti nakolektada idi Pebrero 2012 ta immabut laeng iti P558,340.00.

Kinuna ni de Guia a ngimmato ti nakolektada sipud idi naipan iti wet market amin dagiti aglaklako iti karne ken nateng .#

Comments are closed.