Footer

Unity walk, prayer rally, naisayangkat

STA. LUCIA, Ilocos Sur – Naisayangkat ti unity walk ken prayer rally  idi Pebrero 7 a nakipartisiparan dagiti kandidato iti lokal a posision, ti Commission on Elections nga indauluan ni Melvin Martinez, election officer ditoy, ken dagiti sektor ti relihion.

Kangrunaan a panggep ti unity walk ken prayer rally ti pannakaiwayat ti Secure and Fair Election (SAFE) iti masungad a panagpipili.

Nangrugi ti unity walk iti Barangay Barangobong ket nagpatingga iti sanguanan ti municipal hall daytoy nga ili.

Iti met prayer rally, nagangtan dagiti unity candles, ken panagkari dagiti botante sa ti panagpirma dagiti kandidato, religious leaders ken mangidadaulo iti nadumaduma nga ahensia ti gobierno iti pledge of commitment para iti nadalus ken natalna nga eleksion.#

Comments are closed.