Footer

2 lugan nainbolbar iti aksidente

VIGAN CITY – Dua a lugan ti nainbolbar iti aksidente iti nagsulian ti kalsada Florentino ken Jacinto iti Barangay 1 ditoy siudad idi malem ti Pebrero 13.

Segun iti panagimbestiga dagiti polis, iti nadakamat a nagsulian, agsikko koma nga agpadaya ti Toyota Innova service vehicle ti Department of Education a minaneho ni Francisco Pineda, 42, naasawaan, ken residente iti Ayusan Sur, ket dina nasiputan ti aggapu iti laud a Honda TMX 155 tricycle a minaneho ni Johnny Riduca, 32,  naasawaan, residente iti Barangay Cabaroan, Bantay, a puon ti nakadungparan ti service vehicle ti DepEd ken nakadunoran ni Riduca.

Nadadael ti makannigid a headlight ken nagasgasan ti makannigid a bakrang ti Toyota Innova idinto a nadadael ti sungo ti traysikel.

Nupay kasta, nagareglo met la dagiti dua iti police station.#